రెండు జతల కళ్ళ
లిప్తపాటు కలయిక లో
మౌనాల మబ్బు తెరల్ని చీల్చుకుని
మౌనంగానే వెల్లువైన వేవేల
భావాల ఉరవళ్ళ పరవళ్ళు
కానీ గుండె గొంతులో ఆనకట్టై
భావాల్ని మాటలు గా మార్చలేని
మూగవాణ్ణి చేసింది
కొలిస్తే అప్పుడు
మన మద్య దూరం
రెండడుగులే
కాని అప్పటికే
మన మనసుల మద్య
ఒక జీవితకాలపు దూరం
ఒక జన్మ మౌనపు మబ్బు తెరలు
ఆ క్షణం మనిద్దరి కళ్ళలో
ఆ మబ్బు తెరల్ని చీల్చలేక
ఆ అనంత మౌనం లో కూరుకుపోయి
అంతర్దానమైన అనురాగపు మెరుపు
మరు క్షణం నుంచి
నన్ను వద్దనుకున్న జీవితం లో నువ్వు
నిన్ను మరువలేని నటన లో నేను
నటించడం నాకు బాగానే అలవాటైంది
లేకుంటే....
తిరస్కరణకి గురైన నా హృదయం
ఎడబాటు మంటల బడబాగ్ని లో
ఆత్మాహుతి చెసుకుంటున్నా..!!
నా పెదాల పై అతికిన చిరునవ్వు..!?
ఆ నవ్వుల వెనక..,
మండుతున్న నా గుండె
కవురు వాసన ఎవ్వరు గుర్తించలేదు మరి!!
chalaa chalaa bagumdi, chala baga vivarimcharu..
ReplyDeletebaagundandi.
ReplyDelete