అలవాటైన నియకృత్యమన్నట్టు
ఇవాళ కూడా వార్తా చానళ్ళలో
అదే వార్త మరోసారి బద్దలైంది.
పురిటి నొప్పుల పచ్చి ఇంకా
పూర్తిగా మానక ముందే
ఒక తల్లి కి పుత్రశోకం...
ఎన్నో ఆశలతో
లక్షలు వెచ్చించిన
ఒక నవవధువు కి
మిగిలిన వైదవ్యం...
పొట్ట కూటి కోసం
నిత్య పోరాటం చేసే
ఒక కూలి వాడికి
కలిగిన కపాల మోక్షం..
ఇలాంటి ఎన్నో నెత్తుటిగాథలు
బద్దలైన ఆ వార్తలోంచి బయటపడ్డాయి...
గతమెంతో ఘనచరిత గల్గిన
నా భారతం ....నేడు
దైవం పేరిట సాగే దాష్టీకానికి
మతం ముసుగు లోని మారణహోమానికి
సజీవ సాక్ష్యం..నిర్జీవ సత్యం
నాడు తెల్లవాడిని తరిమికొట్టిన
మహాత్ముడి శాంతి మంత్రం
ఉగ్రవాదపు విచ్చుకత్తుల
వికృత దాడిలో నేడు
కాళ్ళు విరిగిన కపోతం...
చితి మంటల నిత్యాగ్నిహోత్రం పై
అసహాయం గా రెపరెపలాడుతూ
పొగచూరి మసిబారుతున్న త్రివర్ణం...
హ్మ్మ్
ReplyDeletegood yours words are very impressive
ReplyDeletethanks