కరిమబ్బుల కడిగేసి
నింగికి నీలవర్ణమేసి
విరితావుల విరగ బూసి
నేలకి హరితాల చీర నేసి
వరి చేలకి పురుడు పోసి
లేత కంకుల్లో పాలుపోసి
రెండు కాలాల మద్య
అందమైన వంతెనలా
శరదృతువు...
ఉరవళ్ళ పరవళ్ళు మాని
స్థితప్రగ్నలా సాగిపోయె పంటకాలువ
పైరు పరువాలని ముద్దాడుతూ,
మకరంద సుగంధాలు తనలో నింపుకుని
బరువెక్కి మెల్లగా వీచే చల్లగాలి
బీరపువ్వు లో మంచు బిందువులు
మందార పువ్వు పుప్పొడి రేణువులు
కొమ్మలిరిగేలా కాసిన జామచెట్టు
పందిరికి పైకప్పులా పాకిన చిక్కుడు తీగ
రాతిరేళ సురీడల్లే వెలిగిపొయే చందమామ
చీకటి లో మదనుడి బాణమేదో
తాకెననిపించే లిల్లీ పూల పరిమళం
బతుకమ్మ బతుకమ్మ ఉయ్యాలో
అంటూ ఆడపడుచుల సంబరాలు
నాగళ్ళకి ,కొడవళ్ళకి
దశమి నాటి ఆయుధ పూజ
భులోక స్వర్గమంటే ఇదేనెమో
స్వర్గమంటే ఇంతకన్న గొప్పగా అయితే వుండదు
No comments:
Post a Comment